.....::    fonte.es     2020-04-22
 




Gráficas da Covid-19 en Covidist


Vou facer publicidade desta páxina web que se dedica a facer análises de datos da Covid-19. Chámase covidist.com e ten a súa sé en California. Nela pódense consultar as gráficas da evolución desta pandemia en calquera país do mundo en tempo real. Ten versión para pantallas grandes e tamén para móbiles. Tamén permite descargar as imaxes en formato png, jpg, documento pdf e trazado vectorial.

 

Pulsa sobre a imaxe para entrar en covidist.com

gráfica de casos nos países de Europa

 

A páxina ofrece comparativas por países e incluso por rexións mundiais (Europa, Asia, América...). Permítese a selección de conxuntos de países ou ir un por un. Os parámetros máis importantes que ofrece son: casos totais, casos activos, recuperacións, falecementos e taxas de infección, mortalidade, casos diarios, etcétera, tanto en valor neto como tamén en porcentaxe poboacional.

 

Gráfica da afectación en españa 

 

Se escollemos no menú un país calquera, podemos atopar incluso máis información sobre a súa situación particular. Aparte dos datos anteriores, podemos coñecer prognósticos a curto e a medio prazo para saber como vai indo a propagación e se van dando resultado as medidas paliativas tomadas polas autoridades sanitarias. Para elo sérvese de informes de mobilidade que extrae de datos de Google. Para facer as previsións a medio prazo utiliza a técnica que presentamos en fonte.es e que aparece baixo a pestana titulada "Infection Estimate". Tiveron a xentileza de poñer nos créditos unha mención ao artigo que publicamos e que están empregando para as súas previsións: https://covidist.com/privacy.

 

Esperemos que estas ferramentas técnicas sirvan de axuda para tomar decisións acertadas de cara ao control eficaz da Covid-19.

 

Gráfica do prognóstico para España