.....::    fonte.es     2017-12-09
 

Estación de servizo misteriosa en Lugo


Compartir en Facebook Compartir en Twitter Compartir por e-mail
 



Nas aforas da cidade de Lugo, na entrada ao polígono do Ceao pola Estrada da Coruña, hai unha estación de combustible moi peculiar. Para buscala nun mapa de Internet é necesario escribir Cepsa - Los Claveles - Lugo. Deste xeito aparecen dúas estacións, pois a mesma empresa presta servizo aos dous lados da vía.


Estación de servizo Los Claveles - Lugo

 

Se nos achegamos ata alí observaremos que a estación se chama "De paso" en ambas marxes (e non Los Claveles). Pero tamén nos decataremos de que os prezos do combustible non son os mesmos a ambos lados. Na gasolineira que está según saimos de Lugo cara a Coruña o prezo do gasóleo é uns cinco céntimos por litro máis barato ca no outro lado. Coa gasolina pasa o mesmo.

 

Estación de servizo Estación de servizo
Estación de servizo - prezos


Non sei cal é o motivo de tal diferenza e levo un tempo intrigado. Nunha ocasión pregunteille a un dos empregados e tampouco me soubo responder. Manifestou moita disconformidade con esta política de prezos que era pouco equitativa e que os deixaba sen argumentos cos clientes que demandaban algunha explicación.



Cinco céntimos en cada litro de combustible supón un gasto -ou aforro, segundo se mire- de dous euros por depósito repostado. Con dous euros de combustible un coche de gama media pode circular durante 30 quilómetros -ou máis-, e tería marxe de abondo para dar a volta no caso de dirixirse a repostar pola beira máis cara.

 

Para saber os prezos do combustible nas diferentes estacións de servizo dunha comarca podedes usar a aplicación "Gasolineras España" do Google Play Store (tamén hai para Iphone en Itunes), e así elixir a que máis vos conveña. Esta aplicación está patrocinada polo Ministerio de Enerxía e Turismo.

 

Localizacion estación de servizo



En Internet tamén se pode consultar o prezo en moitos lugares:


https://servicios.elpais.com/gasolineras/


http://geoportalgasolineras.es